La flandra ministro pri edukado, Ben Weyts, anoncis sian intencon ŝanĝi la flandrajn lernejajn regularojn en Belgio, per kiu nur la nederlanda rajtus esti parolata.

La ministro volas malpermesi paroli aliajn lingvojn krom la nederlanda en lernejoj. Tio signifas ne nur en la klasĉambro, sed ankaŭ en ludejoj, distrejoj, lernejaj manĝejoj kaj aliaj ejoj.

Argumentante, ke la nederlanda estas la lingvo, kiu ebligas ĉiujn aliajn, la ministro deklaris: „Gepatroj devas certigi, ke ilia infano estas en kontakto kun la nederlanda post 15:30. Se ne, vi estas malbona gepatro.”

Tia deklaro povas esti komprenata nur kiel alvoko por inversa rasapartismo. Ĉi tio estas alia provo limigi infanojn kun alia patrino aliri nederlandlingvajn lernejojn. Plej tuŝitaj de ĉi tiu propono estas franclingvaj infanoj.

Paroli kaj lerni pli ol unu lingvon neniam estu rigardate kiel limigo kaj anstataŭe estu subtenate kaj promociate, konforme al la kunlaboraj fundamentoj de la Eŭropa Unio.

Devigataj lingvaj regularoj kaŭzas damaĝon al lernejanoj; la belgaj lernejaj aŭtoritatoj povus lerni de la traŭmataj simptomoj travivataj de infanoj de minoritataj komunumoj en aliaj landoj.

Ni profunde malĝojas pro tio, ke la edukado de infanoj estas uzata kiel rimedo por dividi la loĝantaron de lando kaj nomas ĉi tiun celitan mezuron pura diskriminacio. Uzi infanojn por ĉi tiuj celoj estas simple skandale.

Ĉu vi volas informiĝi pri la agado de DiEM25? Sign up here